Live

LATINOAMERIKAKO ORDEZKARIEN SAREA

Info atalera bueltatu

Nazioartekotzearen bultzada hori baliatuta, BIME PRO ekitaldirako Latinoamerikako Ordezkarien Sarea eratu dugu, honako herrialde hauekin: Argentina, Brasil, Txile, Kolonbia, Mexiko, Peru eta Venezuela. Gure Ordezkarien Sareak (kazetariak, kultura-kudeatzaileak, managerrak eta sustatzaileak)BIME PRO ekitaldian ere parte hartuko du, AMCS(Atlantic Music Conferences Symposium)sinposioarekin antolatu dugun zeharkako topaketan eta Atlantikoaren bi ardatzen arteko zubi-lana egiteko asmoz, musikaren sektorerako negozio-aukera berriak sustatzearren.

Latinoamerikako gure Ordezkarien Sarean honako hauek biltzen dira:

MEXIKO
Ulises Sanher
CEO Tres Vinyl

Kultura-kudeatzailea, sustatzailea, argitalpenen zuzendaria da Music Beyond Music enpresan, eta hizlari izan da honako musika-merkatu hauetan: Canadian Music Week, Circulart, FIMPRO, MUPA, BIME, Río Music Buzz, FME eta Valentziako Unibertsitateko musika-kudeaketari buruzko Master Classean; Asociación Latinoamericana de Managers Musicales elkarteko kide eta Mexikoko lurralde-aholkularia ere bada (2016-2018).

VENEZUELA
Otto Ballaben-Araneo
Arepa Music

UpssShot-en sortzailea, Paix Fest jaialdiko sortzaileetako bat, Semillas Naranja programaren sortzaileetako bat, Arepa Music enpresako CEOa eta CRM Contact Music Industry-ko sortzailea da. Kultura-arloko programatzaile, hizlari, erosle eta moderatzaile izan da musikako 20 merkatutan baino gehiagotan: Womex, Fimpro, Mica, Fimven, Bomm, Circulart, BIME edo Grammys. Eta ADIMI, Grammys edo MMF LATAM elkarteetako kide da.

PERU
Pepita García
Cernícalo Producciones

Cernícalo Producciones elkartea sortu zuen Peruko eta mundu osoko herri-musika, musika tradizionala eta etnikoa sustatzeko. Siete Mares jaialdiaren (2012-2014) kontzeptu-sortzaile, zuzendari eta ekoizle izan da, Peruko artistak bultzatzeko eta musika-proposamen garaikideak ezagutarazteko asmoz. ADIMI eta ASOCIACIÓN DE MANAGERS LATINOAMERICANOS kultura-sareetan parte hartzen du.

TXILE
Claudia Pereira
Claudia Pereira Production

Artisten garapenerako agentea Europan eta Latinoamerikan. Frantzia, Kanada eta Latinoamerika arteko sareak eratzen ditu, egungo musikaren arloko artistak garatuz. Aditua da artista eta musika-proiektuen management, ekoizpen eta estrategien 360° garapenean, eta Latinoamerikan birak antolatzen ditu. Nazioarteko programatzailea, BioParlante Pro jaialdiko profesionalen koordinatzailea eta Buena Onda Music etxeko zuzendarietako bat da.

KOLONBIA
Alejandra Gomez
Biche

Egoitza Bogotán duen Biche musika-produkzioko enpresaren sortzaile eta zuzendaria da, eta nazioarteko biren sorkuntzarekin eta gauzatzearekin lotutako produkzio-lanak, ekitaldien kudeaketa eta plangintza estrategikoak egiten ditu musika alternatibo latinoaren arloan. Aldez aurretik Polen Records zigiluarekin lan egin izan du, eta zortzi urte baino gehiagoko esperientzia du taldeen kontratazioan eta kudeaketan; musika esperimentalaren eta abangoardiako musikaren garapenean eta nazioartekotzean espezializatuta dago. MMF LATAMeko kide da, eta Todopoderosa kolektibo transfeministaren sortzaileetako bat.

ARGENTINA
Eduardo Sempé
Rock y Reggae Producciones

BRASIL
Felipe França Gonzalez
Difusa Fronteira