BIME PROk musikako feria iberoamerikarren topaketa inauguratuko du aurten. Kontinenteak konektatzeko eta Latinoamerikan sektorera hurbiltzeko planari jarraikiz, hurrengo edizioan AMCS – Atlantic Music Conferences Symposium topaketa abiaraziko da, hau da, Iberoamerikako hainbat herritako hamar feria bilduko dituensinposioa. Topagunearen bitartez, BIME PROn parte hartzen duten Espainiako eta Europako profesionalek feria latinoak ezagutzeaz gain, Latinoamerikako merkatuetan sartzeko ate bat zabaltzeko aukera ere izango dute.

Eremu latino eta iberikoan egiten den musikako topaketa garrantzitsuena den aldetik, AMCSren barruan Europarako eta Amerikarako negozio-aukerak ahalbidetuko dira lan-saioen eta speedmeetingen bitartez; izan ere, feria latinoetako arduradunek bertatik bertara ezagutu ahal izango dute Espainiako sektoreko erakundeek nola funtzionatzen duten, musikaren industria nola egituratzen den eta kultura-arloko erakundeek zer eginkizun betetzen duten.

AMCSren helburua da, halaber, Europako profesionalen jakin-mina asetzea eta, horretarako, merkatu iberoamerikarrak aztertzeko eta aurkezteko tokia eskaintzen die, baita Latinoamerikako musikaren sektorearekin lotutako zalantzak eta hausnarketak plazaratzeko aukera ere: eragileei, musika-proiektuak garatzeko funtsezkoak direnkontzeptuei eta lanerako dauden dinamika eta plataforma berriei buruz. Ekitaldiak beste ikuspegi bat eskaintzeko aukera ematendu, sektorearen barrutik bertatik, Iberoamerikako herrialdeetan industria nola garatzen den, musikari aplikatutako teknologia berrien goraldia eta eszena iberoamerikarretako berrikuntza guztien berri izan ahal izateko.

AMCS ekitaldia 2019ko urriaren 30ean, 31n eta azaroaren 1ean izangoda, Bilboko BEC!en, BIME PROren barruan.

AMCS ekitaldian, Europako eta Latinoamerikako hainbat herrialdetan musikaren sektoreak bizi duen errealitatea aztertuko da. Halaber, one-to-one topaketak ere egin ahal izango dira, eta ferietako antolatzaileek aukera izango dute beren ferietara eraman ditzaketen edo beren erreferentziako lurraldeetan txerta ditzaketen berrikuntza, produktu edo zerbitzuak ezagutzeko, edo diru-laguntzak eta babesletzak elkarrekin lantzeko.

Programaren barruan, nazioko sektoreko erakunde bakoitzaren, Espainiako eta eskualdeetako erakundeen eta nazioarteko esportazio-bulegoen egitura, funtzionamendua, helburuak eta erronkak aurkeztuko dira, eta lan-saio bat ere izango da, hainbat gai lantzeko: finantzabide publiko eta pribatuak, gastuen kapitalizazioa, beste ekitaldietarako baliagarri izan daitezkeen berrikuntzak eta merkatu bakoitzean garrantzitsuak diren bestelako gaiak.

 Gainera, merkatu bakoitzaren premiak, indarguneak eta aukerak zeintzuk diren aztertzeko txosten bat ere egingo da, epe labur/ertainera balio izango duten bilakaera-parametroak ezartzearren.

FIMPRO (Guadalajara<MX): 2019ko maitzaren 28tik – 31era
LAMC (Nueva York<US): 2019ko uztailaren 9tik – 13ra
BOMM (Bogotá<CO): 2019ko irailaren 10etik – 13ra
BAFIM (Buenos Aires<AR): 2019ko irailan
IMESUR (Valparaíso<CH): 2019ko irailaren 26tik – 29ra
FRECUENCIAS (Santiago<CH): 2019ko irailaren 27tik – 29ra
BIME PRO (Bilbao<ES): 2019ko urriaren 30etik – azaroaren 1era
PULSAR (Santiago<CH): 2019ko azaroan
CIRCULART (Medellín<CO): 2019ko azaroaren 7tik – 10era
FLUVIAL (Valdivia<Chile): 2019ko abenduaren 28tik – 30era
WESTWAY LAB (Guimaraes<PT): 2020ko apirilaren 10etik – 13ra