Musika-jaialdiak nazioarteko inbertitzaileen xede bihurtzen ari dira. Espainian, gero jaialdi gehiago dira inbertsio-funtsen partaidetza dutenak, baina hainbatek uko egiten diote formula horri. Lortu al daiteke jaialdien izaerari eta independentziari eustea testuinguru berri honetan? Musikaren merkatuan inbertsio-taldeak sartzeak onurak –ala eragozpenak– al dakartza? Mahai-inguru honetan, alderdi horiek eta beste batzuk aztertu ahal izango ditugu profil desberdineko jaialdiekin batera.

Gordon Masson – IQ Magazine, Editor
Alfonso Lanza – Primavera Sound, Co-Director
Carlos Seixas – FMM Sines, Art & Prod. Director
Fruzsina Szép – Lollapalooza Berlin/Yourope, Festival Director/Board Member
Christof Huber – Yourope, General Secretary on behalf

FMA Musika Jaialdien Elkartea topagune izango da horrelako ekitaldien sustatzaileei dagozkien eta sustatzaileak kezkatzen dituzten gaiak lantzeko eta bultzatzeko. Gune horretatik bideratzen ari da kudeaketako erakundeekiko (SGAE edo PRS) elkarrizketa; hortik bultzatzen dira, halaber, jasangarritasuneko ekimenak eta jaialdien Agenda 2030era egokitzeko ekimenak, eta gaur egungo araudia jaialdien sektorera egokitzeko lege-aldaketei buruz ere hitz egiten da, honako gai hauei dagokienez: besteak beste, segurtasuna eta osasuna muntaketa-lanetan, ikuskizunei eta zaratari buruzko legeak egokitzea, eta atzerriko artisten mugikortasun-araudia eguneratzea

Patricia Gabeiras, Gabeiras y Asociados/ Asociación de Festivales de Música – Socia fundadora / Representante

Tom Windish-ek artista askoren karrera artistikoa garatu du, besteak beste, Lorde, Billie Eilish, alt-J, The xx, M83 edo King Krule. Artista horiekin eta beste talentu handi askorekin hasiera-hasieratik egin izan du lan eta, bere tutoretzapean, ehunka artista iritsi dira herri txikietako agertoki txikietan jotzetik munduko jaialdi nagusietako agertokiak mendean hartzera. Gaur egun, Paradigm Talent agentziaren zuzendarietako bat da, eta musikaren industria globalean eragin handieneko pertsonetako bat dela esan dezakegu.

Oisin Lunny – Barcelona Technology School, Professor of UX Drive Business
Tom Windish – Paradigm Talent Agency, Music Executive Leadership Group

Gezurrezko burbuila baten mehatxu iraunkorraren aurrean, jaialdien merkatuaren erantzuna horizontalean haztea izan da. Sektorea biderkatu egin da eta, aldi berean, eskaintza segmentatu egin da ikus-entzule gero eta zehatzagoentzat. Jaialdi bakoitzaren nortasuna, markatzat hartuta, arrakastaren faktore erabakigarrietako bat izatera iritsi da. Baliteke etorkizunerako giltza izatea, baina hainbat zalantza sortzen dira: hazkundeak ba al du mugarik? Nola eratzen dira nortasun horiek? Zer eginkizun beteko du genero-berdintasunak?

Chechu Martínez – Asociación de Promotores Musicales, Marketing Director
Carolina Rodriguez – Producciones Baltimore, Co-Director
Rocío Sáiz – Ground Control, Management
François Jozic – Grupo Cetris, Co-founder

TAKE A STAND kontzientziazio-kanpaina da, sorkuntzaren, musikaren eta jaialdien sektoreak kontzientziatzeko kanpaina. YOUROPE Jaialdien Europako Elkarteak 2017. urtean abiarazi zuen kanpaina hori, musikaren eta jaialdien industriarentzako plataforma moduan, balio europarrei buruzko kontzientziazioa sustatzeko, hala nola irekia izatea, kultura-elkartrukea, gizarte-kohesioa, tolerantzia, humanismoa eta elkarrizketa baketsua. Gaur egun, TAKE A STAND plataformak 140 jaialdi eta elkarteren babesa du, baita bazkideak ere 25 herrialdetan. Europako idealekiko lotura sentitzen duen oro, beldurraren eta bazterketaren ordez, bakean, integrazioan eta elkarrizketan sinesten duen oro gonbidatuta dago TAKE A STAND ekimenarekin bat egitera. Ekimen independentea da, eta parte-hartzaileen borondatezko konpromisoak eginarazten dio aurrera.

Fruzsina Szép – Lollapalooza Berlin/Yourope, Festival Director/Board Member
Christof Huber – Yourope, General Secretary on behalf

Geolokalizazioa eta Big Data tresnak dira, eta zuzeneko emanaldien industriako profesional eta sustatzaile orok eskura ditu tresna horiek. Berrikuntza teknologikoak espekulazio izateari utzi dio jada, eta kudeatzen ikasi beharra dago. Baina, ezinbestekoa al da? Merezi al du inbertsioa egitea? Jaialdi orok aurrera egin behar al du teknologiaren aldetik? Zer helbururekin? Beste sektore batzuetatik ikasi al dezakegu? Berrikuntzarekiko konpromisoan oinarrituta, hona hemen planteatu beharreko hainbat erronka: ikus-entzuleen esperientzia, jaialdiarekiko engagementa, ikuskizunen kalitatea eta ekitaldiaren jasangarritasuna, besteak beste.

Maca Arena – APM, Marketing
Jordi Herreruela – Cruïlla, Director
Amandine Delpierre – Weezevent, Executive VP
Hugo Albornoz – Sharemusic!, CEO and Founding Partner
Joaquín Ruiz – Producciones Baltimore, Sponsorship & Innovation

Upsshot askotariko sistemak uztartzen dituen metodoa da, zuzeneko musika-jaialdietan eta hiriko ekitaldietan espezializatua, eta iragarpenak egiteko, erabakiak finkatzeko, prozesuak optimizatzeko, inpaktua neurtzeko eta kalitatea sistematizatzeko balio du musika-ekitaldiaren parte diren eragile guztiei dagokienez.

Otto Ballaben – Arepa Music, CEO

Herri-musika garaikideko jaialdiak elkartzeko, aisialdiko eta lanerako gune izaten dira, eta hainbat baliabideren kontsumoa eragiten duen kultura-jarduera bihurtzen dira; jarduera horrek gizartean, ingurumenean eta ekonomian eragina izaten du. Ildo beretik, FMAtik Ekintza Plana garatzen ari dira musika-jaialdiak Agenda 2030era egokitzeko eta klima-aldaketarekin lotutako Pariseko konpromisoak betetzearren.

Patricia Gabeiras – Gabeiras y Asociados/Asociación de festivales de música, Socia fundadora/Representante

Musika-jaialdi aitzindarietako batzuk esperimentatzen eta berrikuntzak txertatzen hasiak dira karbono-aztarna murrizteko prozesuan ere buru izatearren eta ikus-entzuleen nahiz akziodunen portaera aldatzearren. Saio honetan, aitzindarien panelak etorkizuneko ‘jaialdi berdea’ nolakoa izango den irudikatuko du. Lortuko al dugu garraioak, elektrizitateak, hondakinek, elikadurak eta urak ingurumenean eragiten dituzten ondorioak, gaur egun ezagutzen ditugunak, desagerraraztea? Nola? Zer teknologia berri eta zer soluzio ikusiko ditugu guk, ziurrenik? Lortuko al dugu karbonoan neutroa den jaialdia egia bihurtzea? Eta nolakoa izango ote da? Galdera hauek guztiak eta gehiago ere aztertuko ditugu.

Teresa Moore – A Greener Festival, Director
Najma Souroque – We Love Green, Head of Sustainability & Think Tank
Fiachra McDonagh – Rototom/Exodus, Coordinador de Solidaridad y acciones verdes/Presidente
Artur Mendes – Boom Festival, Co-Manager
Natalie Ryan-Williams