Live

#Keychange

Keychange musika industria iraunkorraren alde borrokatzen den mugimendua da.
Talentu handiko baina gutxiegi ordezkatutako artistei laguntzea, eta erakundeak genero-berdintasunarekin konprometitzera bultzatzea.

Keychange-k aldaketa bizkortzea eta egungo eta etorkizuneko belaunaldientzako musikaren industria hobea eta inklusiboagoa sortzea du helburu.

Ekimenak Europar Batasunaren Creative Europe programaren babesa du.

BIME PRO, bazkide sortzailea

BIME PROk musikaren industrian generoen arteko aldea ezabatzeko konpromisoa berretsi zuen, 2018ko edizioan Keychange programa abian jarriz, eta aurten lankidetza berritu dugu, shesaidso-rekin lankidetzan profesionalei zuzendutako tailer batzuk eskainiz.

NOLA IZAN MENTORE EDO AHOLKULARI

URRIAK 29 OSTEGUNA, 17:00 – 18:30
Online Plataforma bidez

Bat egin mesede-katearekin. Musikaren komunitateko kide baldin bazara, har ezazu parte saio honetan eta zure inguruko pertsonei ahalik eta modu egokienean laguntzen ikasiko duzu, mentore edo aholkulari moduan. Egoerak askotarikoak izan daitezke: karrera abiatzen ari den talentu bat, goraldian dauden izarrak edo, besterik gabe, nahastuta dauden edo errendimendu txikia duten pertsonak. Nolanahi ere, zure esku dago haiek ahalduntzea eta urrats bat aurrera egiten laguntzea. Mentore-programetan esperientzia handia duen pertsona batek gidatuko du saioa. shesaid.so zuzendaritzako kidea, eta Keychange Inspiration sariaren irabazlea Georgia Taglietti. Gomendio praktikoak emango ditu mentore / ikastun harremana nola hasi jakiteko, baita mugak, egiturak eta helburuak nola finkatu ikasteko ere. Eraginkorrak direla frogatu duten Grow ereduak erabiliko ditugu prestakuntza-modalitatearen ildoak zehazteko; hori guztia lagungarri izango zaizu mentore / ikastun harreman positibo eta aberasgarria sortzeko eta harreman horri eusteko.

shesaidso-rekin elkarlanean

ARRAKASTAREN JARRAIPENA EGITEA. GALDE-ESKEAK

URRIAK 29 OSTEGUNA, 18:40 – 19:10
Online Plataforma bidez

Zer nolako itxura du arrakastak? Animatuko al zara mentore izatera? Zein dira zure eremuko erronka espezifikoak?

Keychange y shesaidso-rekin elkarlanean

SPEED MENTORING

URRIAK 29 OSTEGUNA, 19:20 – 19:50
Online Plataforma bidez

Saio honetan, bikoteka lan egingo duzue, beste ordezkari batekin. 15 minutuko txanda bat izango duzue bakoitzak praktikatzeko: galderak nola egin, egitura sinplea nola zehaztu eta nola urtu izotzaldia aurrera egin ahal izateko.

shesaidso-rekin elkarlanean

BIME CITY ONLINE TALDEAK

Elaine Mai

ELAINE MAI

(Irlanda)

Mehehe

MEHEHE

(Polonia)

Keychange-era gehitu

Jaialdi baten sustatzailea zara? Iraultza honetara gehitu zaitez musikan egiazko berdintasuna lortzeko. Ikusi nola.